Velaquí o póster anunciador da Guadalupe 2023, que conmemora a chegada da virxe de Guadalupe, “a Moreniña”, a Rianxiño hai 250 anos.

É obra do ilustrador rianxeiro Luismi Ramos, unha composición chea de cor e forza.

A Feira de 1923

Rianxo retrocede á vila mariñeira de hai un século nunha xornada participativa na que a artesanía, os oficios antigos a gastronomía e a música son as protagonistas.

Rianxo retrocede un século cada xoves das festas da Guadalupe. A vila engalánase de época, como a vila mariñeira que recordan as nosas avoas e avós, como reflectían as primeiras fotos tomadas na época.
O Feirón Mariñeiro é unha feira de artesanía, con mostra de produtos e oficios que queremos manter sen caeren no esquecemento. Mais tamén hai música, gastronomía, arte. O Feirón é un acontecemento no que toda a veciñanza participa, acadando unha xornada de festa e convivencia inesquecible.

Participación

Plano do feirón 2023

• o plano pode sufrir variacións de última hora

Queres participar?

1. LE AS NORMAS. É moi importante!
2. Se estás de acordo coas normas de participación, cubre a FOLLA DE INSCRICIÓN do 1 ao 11 de agosto:
   • Postos de artesanía: https://forms.gle/evS4oModpa9Hn7oT6
   • Postos gastronómicos: https://forms.gle/AAjopN3zx51oxxLN9
   • Tabernas: https://forms.gle/ZURPqPE4SyMFm1M49
   • Talleres demostrativos, obradoiros participativos, animación:
     Envía a túa proposta a feiron@festasdaguadalupe.gal
3. Agarda a confirmación da participación, a partir do 11 de agosto
4. Se fostes seleccionado/a, podes proceder ao ABONO DA RESERVA
5. O día da feira, trae a DOCUMENTACIÓN necesaria e a DECLARACIÓN RESPONSABLE cuberta e asinada

Un ano máis, a nosa programación cultural “A Moreniña, arte cultura e tradición” traerá a música das bandas populares na Mostra de bandas de música. As bandas de Beade, Negreira, Arca, Rianxo e a Cultural de Arcade ofrecerán concertos do 10 ao 14 de setembro.

Programa patrocinado por Cultura da Deputación da Coruña coa colaboración do Concello de Rianxo

Un ano máis, o programa “Artella! Rúas con arte” encherá as rúas de Rianxo con actividades e obradoiros para toda a familia. Dentro do programa “A Moreniña, arte cultura e tradición 2023” patrocinado pola Cultura da Deputación da Coruña e coa colaboración do Concello de Rianxo

As “Noites vivas: música na noite” achegarán diferentes propostas musicais para todas as idades e gustos dentro do programa “A Moreniña, arte cultura e tradición 2023”, patrocinado por Cultura da Deputación da Coruña e coa colaboración do Concello de Rianxo