A Feira de 1924
Rianxo retrocede á vila mariñeira de hai un século nunha xornada participativa na que a artesanía, os oficios antigos a gastronomía e a música son as protagonistas.
Rianxo retrocede un século cada xoves das festas da Guadalupe. A vila engalánase de época, como a vila mariñeira que recordan as nosas avoas e avós, como reflectían as primeiras fotos tomadas na época.
O Feirón Mariñeiro é unha feira de artesanía, con mostra de produtos e oficios que queremos manter sen caeren no esquecemento. Mais tamén hai música, gastronomía, arte. O Feirón é un acontecemento no que toda a veciñanza participa, acadando unha xornada de festa e convivencia inesquecible.
Mapa provisional 2024
Mapa provisional cos postos admitidos. En breve enviaranse instrucións a cada persoa seleccionada.
NOTA IMPORTANTE: debido ás obras na Praza de Rafael Dieste, polo momento non se contempla a ocupación desa praza. No caso de quedar dispoñible para o seu uso no día do feirón, poderíanse aplicar cambios de última hora.
Participación
Queres participar?
- LE AS NORMAS. É moi importante!
- Se estás de acordo coas normas de participación, cubre a FOLLA DE INSCRICIÓN do 1 ao 11 de agosto:
- Postos de artesanía: https://forms.gle/evS4oModpa9Hn7oT6
- Postos gastronómicos: https://forms.gle/AAjopN3zx51oxxLN9
- Tabernas: https://forms.gle/ZURPqPE4SyMFm1M49
- Talleres demostrativos, obradoiros participativos, animación:
Envía a túa proposta a feiron@festasdaguadalupe.gal
- Agarda a confirmación da participación, a partir do 15 de agosto
- Se fostes seleccionado/a, podes proceder ao ABONO DA RESERVA
- O día da feira, trae a DOCUMENTACIÓN necesaria e a DECLARACIÓN RESPONSABLE cuberta e asinada
